Alarmi, mbi Alpe shumë akullnaja do shkrijnë brenda 2100-ës

Mbi Alpe, ashtu si në shumë zona të tjera të botës, pjesa më e madhe e akujve do shkrijë brenda viti 2100, duke kontribuar kështu, ashtu sikurse po ndodh, në ngritjen e niveleve të deteve.

Këtë e konfirmon një studim, publikuar në revistën Nature, udhëhequr nga universiteti i Zyrihut.

Nga viti 1961 në vitin 2016 akujt kanë kontribuar në ngritjen e detit me rreth 27 milimetra, rreth 30%.

“Akullnajat përfaqësojnë rreth 5% të akujve në planet, pjesën tjetër e përbëjnë Groenlanda dhe Antarktida”, ka shpjeguar për agjensinë “Ansa” Massimo Frezzotti, kërkues i ‘Enea’ dhe president i Komitetit Akullnajor Italian, të dhënat e të cilave u përdorën për studim.

Megjithatë, nuk është e lehtë të vlerësohet humbja e tyre në masë dhe kontributi i tyre në rritjen e oqeaneve. “Ky hulumtim ofron një përditësim dhe një vlerësim më të mirë bazuar megjithatë në njohuritë tashmë të njohura,” shtoi ai.

Studiuesit, e udhëhequr nga Michael Zemp përdorën të dhëna nga 19,000 akullnajat dhe vlerësuan ndryshimet në masën e tyre që ndodhën midis 1961 dhe 2016: rezultatet tregojnë se ato shkaktuan një rritje prej 27 milimetra. Në veçanti, periudha ndërmjet viteve 2006 dhe 2016 kontribuoi vetëm rreth 1 milimetër në vit. Kjo do të thotë se kontributi i akullnajave ka arritur pak a shumë atë të Groenlandës dhe ka tejkaluar atë të Antarktidës.

“Akullnajat janë një burim shumë i rëndësishëm ekonomik, veçanërisht në kohën e thatësirës,” thotë studiuesi italian. “Tani dihet se të gjithë akullnajat alpine janë duke u zhdukur dhe se shpërbërja e tyre është përshpejtuar në vitet e fundit. Nëse kushtet vazhdojnë të jenë aktuale,” përfundon Frezzotti “, deri në vitin 2100 vetëm ato që mbizotërojnë mbi 3.000 metra do të mbeten”.