Borshi mirëpret edicionin e tretë të ”South Outdoor Festival” (VIDEO)

Për të gjithë ata që duan të përjetojnë misteret e jugut të Shqipërisë kjo është aventura perfekte!

Në tokë, ajër apo ujë, kjo nuk ka shumë rëndësi, në SOF ’19 ka një surprizë për çdokënd.
Me 32 aktivitete të ndryshme në natyrë, pranë brigjeve të kaltërta të Jonit, South Outdoor Festival prezanton edicionin e tij të tretë, i cili këtë vit do të zhvillohet në Borsh.

Nga aktivitetet sportive në natyrë, lojrat, argëtimet por edhe turet kulturore e mbrëmjet festive, të gjitha këto nën shijen e kuzhinës tradicionale dhe pamjeve magjepsëse të Jugut.

Bashkohuni me ne, në 26-29 prill, për të nisur një sezon veror plot aventura dhe gjallëri!