Cardin donte të investonte në Shqipëri por u refuzua nga Ramiz Alia
Ish-ambasadori i Shqipërisë në Paris, Maxhun Peka ka deklaruar në emisionin ‘5 Pyetjet’ se stilisti i njohur francez, Pierre Cardin, ka propozuar që në vendin tonë të hapej një rrobaqepësi për firmën e tij të njohur.
Propozimi është bërë gjatë periudhës së komunizmit por sipas ambasadorit Peka, ishte Tirana e drejtuar nga Ramiz Alia që nuk e çoi përpara këtë projekt.
“Pierre Cardin, propozoi që të hapej një rrobaqepësi në Shqipëri. Rrobat e huaja iu vihej marka Pierre Cardin, megjithëse nuk u arrit kurrë asgjë. Ne bisedonim me Tiranën, por për të vendosur, vendoste vetëm Ramiz Alia. Kemi qenë besnik ndaj nenit të Kushtetutës”, ka thënë Peka.