Çfarë ndodh me trupin kur filloni të hani shëndetshëm

Të ngrënit shëndetëshëm është kryefjala e shumë prej bisedave të përditshme. Ky proces shumë natyral është kthyer pa dashur në një temë të rëndësishme dhe në një mision thuajse të pamundur për disa njerëz. Në të vërtetë është shumë më e thjeshtë nga sa mendoni, të hash shëndetshëm do të thotë të hash çdo ushqim që natyra ofron.

Një zgjedhje sa e thjeshtë, ekonomike aq edhe e shijshme prandaj edhe në këtë artikull do të flasim për të ushqyerin e shëndetshëm. E rëndësishme në këtë diskutim është ajo çfarë ndodh me trupin ku ju ushqeheni shënetshëm dhe sa e rëndësishme mund të jetë kjo për organizmin. Të gjitha vlerat dhe impaktin e këtij stili jetese në trupin tuaj do j’ua shpjegojmë mëposhtë.

Një zemër më e fortë
Sipas Organizatës Botërore të Shëndetësisë një e treta e vdekje në botë vijnë si pasojë e sëmundjeve kardiovaskulare. Kjo sëmundje është mëse e parandalueshme sipas mjekëve nëse praktikoni një stil jetese të shëndetshëm, ku një pjesë të madhe e zë ushqimi i mirë. Një dietë jo e shëndetshme provokon sëmundje si diabeti i tipit 2, kolesteroli i lartë, sëmundjet kardiovaskulare e një sërë problemesh të tjera për trupin. Sigurisht që këtu një rol mund ta luajë edhe gjenetika apo trashëgimia familjare, por ushqimi duket se është çelësi për të parandaluar secilën nga këto sëmundje.

Një dietë e shëndetshme është natyrale, nuk përmban shumë kripëra, sheqerna dhe ushqime të përpunuara. Të konsumosh më shumë fruta dhe perime i siguron trupit natyralisht më shumë kalium, i cili nxjerr kripën e tepërt nga trupi dhe ju ndihmon të keni një zemër më të shëndetshme. Më të rrezikshmet janë yndyrnat e ngopura ose “trans fats” të cilat në shumë vende janë të ndaluara. Kjo pasi nëse vetëm 2% e dietës tuaj përbëhet nga këto yndyrna komplekse, mund të rrisni me 23% shanset për të pasur sëmundje kardiovaskulare. Këto yndyrna gjenden në ushqime të ngrira, të përpunuara apo tek produktet jo natyrale.

Stomaku juaj pastrohet
Një stomak i shëndetshëm lidhet me mirëqenien e të gjithë organizmit dhe mbajtjen larg të shumë sëmundjeve si obeziteti apo diabetiti i tipit 2. Ajo çfarë ju duhet është të mbani të shëndetshëm të gjithë mikroorganizmat që ndodhet brenda barkut tuaj. Sa më të ndryshme të jenë ato, aq më të shëndetshëm do të ndiheni. Këtë mund ta arrini nëse keni një dietë të pasur me vitamina e minerale të cilat meren më së mirni nga ushqimet natyrale. Hiqni dorë nga sheqernat, ushqimet e fermentuara, duhani dhe përdorimi i shmtë i antibiotikëve për të pasur nëj stomak të shëndetshëm dhe baktere të mira në organizëm.

Lëkurë më e pastër
Lidhja mes ushqimi dhe lëkurës është sa komplekse aq edhe e dukshme dhe e rëndësishme. Kur ushqeheni shëndetshëm gjasat janë që edhe lëkura juaj ta tregojë këtë. Mjekët thonë se shpesh lëkura është treguesi i parë për atë çfarë po ndodh brenda organizmit, ndaj kushtojini rëndësi. Kolagjeni dhe vitamina C janë dyshja e fortë që sigurojnë një lëkurë të shëndetshme e të re. Të dyja i gjeni me shumice tek dietat me bazë frutat dhe perimet. Vetëm gjysmë speci i kuq do ju japë 100% të dozës ditore të vitaminës C. Gjithashtu portokallet, luleshtrydhet apo kivit janë një aletrnativë e mirë për të marrë çdo vlerë në trupin tuaj.

Do të humbisni në peshe
Sigurisht një nga asyet përse njerëzit fillojnë regjimet me dietat e shëndetshme është mbajtja e peshës së duhur. Ky është një nga efektet që mund ta shikoni disa javë pasi keni nisur regjimin në trupin tuaj. Dieta Mesadhetare konsiderohet si një nga më të shëndetshmet dhe më të pasurat me perime nga ekspertët. Në këtë mënyrë jo vetëm që do të humbisni në peshë, por edhe do të mbani peshën e dëshiruar për një kohë të gjatë.

Ju rregullon humorin
Ndryshimet janë të dukshme edhe në shëndetin mendor dhe humorin tuaj. Kur merrni të gjithë mineralet dhe vitaminat e duhura e ndihmoni trupin që të luftojë ndjenat si depresioni apo ankthi. Nivelet e ulta të vitaminës B12, të omega-3 apo të vitaminës D mund të çojnë në depresion ndaj mundohuni t’i konsumoni sa më shumë ato./AgroWeb