Dita Botërore e Radios në Tiranë

Radio si zë i komunitetit, hapësirë interaktiviteti – kështu titullohej aktiviteti qё u zhvillua të martën nё mjediset e Muzeut Historik Kombёtar nё Tiranё. E konceptuar si forum diskutimi dhe ekspozitё fotografike e dokumentare, aktiviteti ishte në kuadër tё Ditёs Botёrore tё Radios – qё me vendim tё UNESCO-s ёshtё caktuar data 13 shkurt.

Ky vit ёshtё jubilar pёr Shqipёrinё, pasi shёnohet dhe 80 vjetori i fillimit zyrtar tё transmetimeve, pёrmes valёve tё Radio Tiranёs. Nё 80 vite nё vendin tonё janё krijuar rreth 145 stacione radiofonike, prej tyre aktualisht janё nё transmetim 55. Nёn kujdesin e Departamentit tё Gazetarisё dhe Komunikimit nё Universitetin e Tiranёs dhe me mbёshtetjen e Fondacionit gjerman “Konrad Adenauer”, aktiviteti ishte njё tёrheqje vёmendjeje pёr rolin dhe ndikimin e radios nё komunitet. Pёr tё evidentuar sfidat e saj nё erёn digjitale dhe kur interneti ka njё nivel gjithnjё e mё tё madh depёrtues nё çdo hallkё tё shoqёrisё.

Nё forum, ku ishin pjesmarrёs gazetarё, redaktorё, reporterë e drejtues tё stacioneve radiofonike, studiues tё fushёs, pёrfaqёsues tё parlamentit dhe institucioneve tё ndryshme.

Në seancën hapëse të forumit, prof. Mark Marku shef i Departamentit të Gazetarisë dhe Komunikimit në Universitetin e Tiranës, si dhe dr. Arben Muka, studiues i radios, evidentuan përshtatjen e performancës së redaksive radiofonike me kushtet e reja të avancimit teknologjik dhe përhapjes në shkallë të gjerë të internetit dhe rrjeteve sociale. Drejtori i Fondacionit Konrad Adenauer për Shqipërinë Walter Glos dhe deputeti i Bundestag-ut gjerman, Thorsten Frei sollën në forum aspekte nga roli dhe ndikimi i radios në Gjermani, si dhe lidhjet e tyre personale me këteë medium që mbetet ende popullor. Për kryetaren e komisionit parlamentar të medias, Albana Vokshi, në radio problemet e komunitetit përcillen më shpejt, sepse e tillë është infratsruktura e një stacioni. Moderatorët dhe drejtuesit e emisioneve, të ftuarit e tyre, tha Vokshi, kanë mundësi që mendimet, propozimet dhe ankesat kokrete të qytetarëve, deri dhe në zonat më të thella, t’i përcjellin, t’i bëjnë temë debati dhe solidariteti social.

Në seancën e prezantimeve u trajtuan tema të tilla, si “Transformimet teknologjike dhe reduktimi i formateve informative në përmbajtjet radiofonike”, nga Zamira Koleci; “Interaktiviteti mbi problematikat sociale në emisionet e radios”, nga Blendi Salaj; “Sfidat e radios lokale në erën e internetit, menaxhimi dhe qasja tek audience”, nga Taulant Pilavi dhe “Radio si urë komunikimi me kultura të tjera” nga Astrit Ibro.

Në seancën e diskutimeve u përfshinë dhe gazetarët, Xhelil Aliu, Anilda Kaçaçi, Agim Xheka, Xhafer Dobrusha etj.

Forumi u zhvillua brenda hapësirës së ekspozitёs pamore, ku pёrfshiheshin mbi 120 fotografi dhe dokumente nga dinamika e spektrit radiofonik nё Shqipёri nё 80 vite. Ato ishin tё ndara nё katёr periudhat kryesore: Lufta e Dytё Botёrore, koha e komunizmit, vitet e tranzicionit dhe sfidat e radios nё kohёn e internetit.

Kjo ishte hera e dytë që në Shqipëri zhvillohet një aktivitet në Ditën Botёrore të Radios. Më 13 shkurt 2014, Instituti Shqiptar i Medias zhvilloi një veprimtari dedikuar pejzazhit tё radiove shqipfolёse.