Doktori me 48 fëmijë, përdori spermën…

Një mjek i specializuar për fekondime artificiale në Indiana të Shteteve të Bashkuara, akuzohet se ka përdorur spermën e tij për të fekonduar artificialisht pacientët e tij pa konsensusin e këtyre të fundit. Ai është baba i të paktën 48 fëmijëve, shumë prej të cilëve e kanë zbuluar identitetin e tyre të vërtetë vetëm kohët e fundit.

Njëri prej fëmijëve, 33-vjeçarja Heather Woock ka folur në një raport të publikuar këtë javë nga “The Atlantic”, ku ka shprehur befasinë e saj dhe tronditjen kur mësoi se kush ishte i ati. Woock tha se një person i huaj e kishte kontaktuar atë në gusht të vitit 2017 me pretendimin se ishte vëllai/motra binjake, gjë të cilën nuk mund ta besonte.

Ajo u befasua po aq nga fakti që personi misterioz i përmendi asaj emrin e doktor Donald Cline, specialisti i fertilitetit që nëna e saj kishte takuar përpara se ajo të lindte. E ëma sigurisht i kishte thënë të mos shqetësohej por “qetësia” vijoi deri kur personi i huaj nisi t’i shkruante sërish, e ashtu si ai/ajo nisën ta kontaktonin edhe persona të tjerë me të njëjtin pretendim.

Prindërit e saj, që kishin shkuar te doktori Cline për dhurues sperme, i kishin thënë se nuk e kishin idenë se kush ishte ofruesi i spermës. Testet e ADN-së konfirmuan më pas të paktën 48 fëmijë që kishin për baba doktorin Cline.