Ekspertët mjekësorë kinezë, trajnime antiepidemike në internet

Grupi i Ekspertëve Mjekësorë Kinezë në Burkina-Faso zhvilloi të shtunën e kaluar një trajnim të ri për parandalimin dhe kontrollin e epidemisë së COVID-19 me ekipet mjekësore të vendeve të ndryshme në Afrikën Perëndimore. Gjithsej 242 veta nga ekipe mjekësore dhe grupe ekspertësh nga 14 vende afrikane, duke përfshirë Burkina-Fason, Nigerin, Guinea-Bisaun etj., morën pjesë në këtë trajnim në internet.

Gjatë trajnimit, grupi i ekspertëve mjekësorë kinezë i njohu pjesëmarrësit në planin e ri të diagnostikimit dhe trajtimit të COVID-19, mbrojtjen e personelit mjekësor, masat e dezinfektimit dhe të kujdesit për të sëmurët, si edhe iu përgjigj pyetjeve lidhur me problemet që ka hasur gjatë ndihmës për luftën ndaj epidemisë së COVID-19 në Afrikë.

Drejtuesi i grupit të ekspertëve Liu Jun tha në një intervistë se gjatë trajnimit një mjek dhe një infermiere me përvojë në punën antiepidemike në Wuhan ndanë përvojën e tyre të tanishme me pjesëmarrësit.

Me ftesë të qeverisë së Burkina-Fasos, Grupi i Ekspertëve Mjekësorë Antiepidemikë Kinezë në Burkina-Faso, i organizuar nga qeveria kineze, u nis më 16 prill nga Tianjin-i për në Burkina-Faso, për të ndihmuar në kryerjen e punëve të parandalimit dhe kontrollit të epidemisë. Grupi i ekspertëve, i përbërë nga gjithsej 12 anëtarë, ka zhvilluar për më shumë se dhjetë ditë studime, trajnime dhe seminare në Burkina-Faso. / Marrë nga CRI