Elon Musk uron rivalët e tij të Ford për modelin e ri të makinave elektrike: Kjo është e ardhmja!
Gjithnjë e më shumë kompanitë tradicionale të automobilave kanë hyrë në tregun e automjeteve elektrike që Tesla ka kërkuar të dominojë.
Ford zbuloi të dielën modelin e saj më të ri Mustang Mach-E SUV me një ceremoni të shkëlqyer. Makina kushton 43.895 deri në 60,000 dollarë dhe përfshin karakteristika të ndryshme të ngjashme me Tesla, të tilla si një bagazh i përparmë dhe aktivizim pa zë për pronarët që të fillojnë makinat e tyre duke përdorur një aplikacion në smartphone të tyre.
Elon Musk, që shihet si rival i kompanisë Ford, në të vërtetë surprizoi me deklaratën për modelin e ri, Mustang përmes mediumit të tij të preferuar të Tëitter.
“Urime për Mach E! Makinat e qëndrueshme / elektrike janë e ardhmja !!” – tha ai në Tëitter – “I emocionuar kur shoh këtë njoftim nga Fordi, pasi do të inkurajojë prodhuesit e tjerë të makinave të marrin pjesë në tregun e automobilave elektrike”.
Kjo nuk është lëvizja e parë e madhe që Ford ka bërë në tregun e automjeteve elektrike. Kompania njoftoi në tetor se do t’u jepte pronarëve të një makine elektrike dy vjet anëtarësim falas në rrjetin e saj prej 12,000 stacionesh karikimi në Amerikën e Veriut. Veçanërisht, pikat e karikimit të Fordit mund të përdoren nga çdo automjet, ndërsa rrjeti Supercharger i Tesla shërben vetëm për automjetet Tesla.
