Foto me nipat tek qengji në hell, Gjuzi sqaron të vërtetën (VIDEO)

Deputeti i Partisë Konservatore, Kujtim Gjuzi postoi disa ditë më parë në facebook, shpërndau një foto me nipat e tij duke pjekur një qengj në hell. Kur e gjithë popullata ka marrë urdhra të prerë për të ruajtur distancën sociale, Gjuzi u shfaq mes tyre duke i shkelur këto rregulla. Teksa ishte në një lidhje direkte në “E Diell” në Top Channel nga shtëpia e tij në fshatin Kameras, Fushë-Krujë, Gjuzi sqaroi “Nipi im kishte ditëlindjen atë ditë dhe ne u mblodhëm këtu për të festuar sepse kishte shpëtuar edhe nga një aksident i rëndë automobilistik”. Pse nuk i respektoi distancat deputeti shqiptar? “Vetëm gripi nuk mund të vijë në Albanopolis” tha me batutë Gjuzi duke iu referuar prejardhjes historike të fshatit Kameras.