FOTOT/ Adi Krasta në Teatrin Kombëtar, salla mbushet me “200 milionë euro” – “Sjellja e tyre është kopileske”
Mbrëmjen e sotme salla e Teatrit Kombëtar është tejmbushur me njerëz ku përfshiheshin artistë, aktivistë dhe qytetarë, teksa ka qenë i pranishëm duke transmetuar monologun e tij gazetari i njohur Adi Krasta i cili ka dalë hapur në mbrojtje të kauzës për mos lejimin e shembjes së godinës së Teatrit.
Ndërkohë, ajo çfarë ka rënë në sy është gjetja që ka bërë i riu Plaurat Xhafaj i cili ka futur brenda godinës një objekt që simbolizonte 200 milionë euro me prerje 500-she.
Kjo gjetje figurative sipas tij tregon arsyen dhe shifrën se përse duan ta prishin godinën e vjetër të Teatrit Kombëtar.
Shihni imazhet e fiksuara nga Faxweb
Gazetari Adi Krasta u është bashkuar mbrëmjen e sotme artistëve ku po mban një monolog të gjatë me të cilin po trajton çështje që kanë të bëjnë me jetën e qytetarëve shqiptarë në tërësi dhe kauzën e mbrojtjes së Teatrit në veçanti.
Krasta e konsideroi stadiumin e ri “Air Albania” si një qëndër të madhe tregtare në mes të të cilës kanë bërë edhe një kalceto.
Ai ka përgëzuar rezistencën e artistëve dhe aktivistëve prej më shumë se dy vitesh duke u zotuar para tyre se edhe ai do të flejë një natë në Teatër.
“Ata ndërtuan stadiumin e ri, kanë krijuar një qendër të madhe biznesi dhe një qendër të vogël kalçetoje. Ky Teatër duke sikur sot ka marrë përsipër të mbrojë kauzën. Teatri si një kështjellë duhet të fitojë kohë, ndërsa ata që duan ta shembin nuk do të kenë kohë, sepse nuk janë të përjetshëm në pushtet. Titin nuk e njihja fare, ju afrova dhe e përqafova, dhe u ndjeva mirë, ai fle në Teatër, edhe unë do të fle një natë në teatër. Brenda kështjellës jeni ju, ju jeni heronjtë e vërtetë. Ju ndjek dhe ju shoh në çdo moment. Ajo që po ndodh këtu qeveria dhe bashkia duan të plaçkisin kompleksin e ‘Skënderbej’ për të ndërtuar kulla, ata nuk kanë kohë dhe për të fituar kohë dhe gjejnë marifete, sjellja e tyre është kopileske, por e zgjidhshme”, tha ndër të tjera Krasta.
