Hapet sarkofagu misterioz që të gjithë e dinin të mallkuar (VIDEO)

Arkeologët egjiptianë hapën më në fund sarkofakun e zi 30 tonësh prej graniti. Në brendësi gjetën tre mumje të dekompozuara, si pasojë e ujërave të zeza që penetruan në sarkofag.

”Sarkofagu u hap, por s’na ka rënë asnjë mallkim”,-tha Mostafa Waizry, kreu i Këshillit Suprem për Antikuaret në Egjipt, si përgjigje për të gjithë ata që sugjeruan se sarkofagu i gjetur në Alexandria mbart mallkime.

Waizry, në bashkëpunim me një ekip të specializuar në mumifikim dhe restorim, gjeti tre mumje dhe lëng të kuq, të indentifikuar si ujë i mbetur. Aludohet se uji ka hyrë në ezofag përmes një të çarë në anën e djathtë dhe ka shkaktuar dekompozimin e mumjeve.

Varri u gjet pesë metra nën sipërfaqe dhe u nevojit ndihma e inxhinierëve të ushtrisë egjiptiane për të ngritur kapakun 15 tonësh. Duke marrë parasysh përmasat e mëdha, disa ekspertë besonin se sarkofagu mbante trupin e një figure të rëndësishme në histori dhe disa të tjerë prisnin të gjenin trupin e Aleksadrit të Madh.

Besohet se sarkofagu tre metra i gjatë dhe dy metra i thellë i përket periudhës Ptolemaike, e cila nisi pas vdekjes së Aleksandrit, në vitin 323 para erës sonë.