Historike/ Arbitri nxjerr për të 100 herë kartonin e kuq, vendos rekord

Të martën mbrëma, futbollisti i Manchester United, Ashley Young shkroi emrin e tij në librat e historisë.

Por, ndryshe nga rastet kur shënonte, këtë herë 33 vjeçari ndikoi negativisht te skuadra, pasi u ndëshkua me karton të kuq në humbjen 2-1 ndaj Wolverhampton.

Gjithsesi, ai u bë lojtari i 100-të i cili ndëshkohet me karton të kuq nga arbitri Mike Dean në Premier League. Një rekord ky nga Dean, që mbase e kishte ëndërruar të bëhet gjyqtari i parë që dënon 100 futbollistë me karton të kuq.