Ka gjithmonë një kohë…
Nga Lutfi Dervishi –
Një kohë për What’s app dhe një kohë për facebook!
Një kohë për Netflix dhe një kohë për telenovelat turke!
Një kohë për të ndenjur 2 metra larg dhe një kohë për të ndenjur 2m afër!
Një kohë për t’i bërë duart pis dhe një kohë për t’i larë!
Një kohë për t’u përqafuar dhe një kohë për të kujtuar përqafimin!
Një kohë për t’i dhënë dorën dikujt dhe një kohë për t’i dhënë duart!
Një kohë për të vënë maskën në fytyrë dhe një kohë për të dalluar maskarenjtë!
Një kohë për të dëgjuar politikanët dhe një kohë për të dëgjuar doktorët!
Një kohë për të menduar për punën dhe një kohë për të marrë malli për punë!
Një kohë për të lexuar lajme të rreme dhe një kohë për të parë lajme të rreme!
Një kohë për t’u kollitur dhe një kohë për t’i thënë atij që kollitet “plaç”
Një kohë për t’u sëmurur dhe një kohë për t’u shëruar!
Një kohë për të ngrënë dhe një kohë për të menduar për të ngrënë!
Një kohë për të ndenjur në shtëpi dhe një kohë për të fjetur në shtëpi!
