“Kemi bërë historinë”, Zaev me Cipras: Marrëveshja e Prespës ndryshoi realitetin në Ballkan

“Marrëveshja e Prespës e meriton mbështetjen e plotë nga të dyja vendet”. Kështu u theksua në takimin e sotëm mes kryetarit të Qeverisë së Republikës së Maqedonisë së Veriut, Zoran Zaev dhe ish-kryeministri i Greqisë Aleksis Cipras, i cili po qëndron në Shkup.

Siç bëri të ditur zyra e shtypit, takimi i mbajtur mes dy funksionarëve u karakterizua me një  atmosferë të ngrohtë dhe miqësore, ku të dy bashkëbiseduesit vunë theksin tek përfitimet që do sjellë “Marrëveshja e Prespës”.

Sipas tyre, marrëveshja mes Maqedonisë së Veriut dhe Greqisë krijoi një dinamikë të re për të gjitha vendet e Ballkanit perëndimor.

“Zgjidhja e arritur me marrëveshjen e nënshkruar në Prespë e ndryshoi realitetin mes të dyja vendeve dhe krijoi dinamikë të re, pozitive në marrëdhëniet mes vendeve të rajonit”, përfunduan kryeministri Zaev dhe ish kryeministri grek Cipras.