Kirurgjia/ Transformimi nga godina e vjetër, në spitalin me teknologji moderne

“Kirurgjia deri dje dhe kirurgjia sot e tutje”. Është kjo fjalia që i ka lidhur kryeministri Edi Rama fotografisë që tregon se si operohej më parë dhe se si janë kushtet në spitalin e ri modern të Kirurgjisë.

Investimi erdhi pas 90 vitesh, duke lënë pas godinën e vjetër në QSUT. “Kirurgjia shqiptare ka një tempull të ri, ku gjithçka është fjala e fundit e teknologjisë dhe po ashtu organizimi në funksion të pacientit është në nivelin më të lartë bashkëkohor”, – deklaroi sot kryeministri Edi Rama në përurimin e spitalit të Kirurgjisë në QSUT.

Spitali i ri “Frederik Shiroka” çon në një tjetër nivel shërbimet mjekësore në Shqipëri. 7 salla moderne operacioni për kirurgjinë e përgjithshme, kirurgjinë speciale dhe urologjinë. Aparatura mjekësore të teknologjisë së fundit. Njësi terapie intensive me pajisje bashkëkohore dhe kushte optimale. Laborator i nivelit të lartë teknologjik dhe 120 shtretër dhe dhoma me kushte si në spitalet më të mira të Europës për pacientët.