Kush i fitoi zgjedhjet europiane?

Blloqet e mëdha të qendrës së djathtë dhe të majtë të Parlamentit europian kanë humbur mazhoritetin e tyre të kombinuar për arsye të një mbështetje në rritje për liberalët, të gjelbrit dhe nacionalisteve. Në Mbretërinë e Bashkuar, Partia e sapo formuar Brexit arriti një fitore të madhe, ndërsa Liberal Demokratët patën rezultate solide ndërkohë që Konservatorët dhe partia e Punës pësuan disfatë.
Analistët thanë se Partia Popullore Evropiane (PPE) ka gjasa të formojë një “koalicion të madh” me bllokun e socialistëve dhe demokratëve, me mbështetjen e liberalëve dhe të gjelbërve.
Pjesëmarrja u duk të ishte në rënie, duke arritur vetëm në 51% të votuesve të mundshëm në të gjithë 28 shtetet anëtare.
Parlamenti Europian ndihmon në formulimin e legjislacionit të BE dhe rezultatet do të luajnë një rol të madh në atë se kush merr vendet e punës në Komisionin Evropian. Bazuar në vlerësimet aktuale, grupet konservatore më parë mbizotëruese të PPE-së dhe të Socialistëve dhe Demokratëve nuk do të jenë në gjendje të formojnë një “koalicion të madh” në parlamentin e BE pa mbështetje.

PPE u parashikua të fitonte 179 vende, nga 216 që pati në vitin 2014. Socialistët dhe demokratët dukeshin të vendosur të binin në 150 vende nga 191.
Partitë pro-BE ende pritet të mbajnë shumicën e vendeve, kryesisht për shkak të fitimeve të bllokut liberal ALDE dhe veçanërisht  prej vendimit të marrë nga partia e presidentit francez Emmanuel Macron për t’u bashkuar me grupin. Partia e tij Aleanca e Rilindjes u mposht nga partia e ekstremit të djathtë të Marinës Le Pen.

“Për herë të parë në 40 vjet, dy partitë klasike, socialistët dhe konservatorët, nuk do të kenë më shumicën“, tha Guy Verhofstadt, kreu i ALDE. “Është e qartë që kjo mbrëmje është një moment historik, sepse do të ketë një ekuilibër të ri të pushtetit në Parlamentin Evropian, “tha ai.

Por fitoret e partive nacionaliste në Itali, Francë dhe vende të tjera do të thotë një mundësi më e madhe për euro-skeptikët që duan të frenojnë fuqitë e BE-së. Matteo Salvini, i cili kryeson partinë e Legës së Italisë, po punon për të krijuar një aleancë prej së paku 12 partish dhe partia e tij arriti një fitore me më shumë se 30% të votave, sipas rezultateve të pjesshme.

Burimi: BBC