Morena Taraku do të ndërtojë një shtëpi të dëmtuar nga tërmeti, zbulon të vërtetën e trishtë që e lidh me këtë familje

Një tjetër ndihmë vjen nga Kosova për familjet shqiptare të prekura nga tërmeti katastrofik i 26 nëntorit. Është këngëtarja e njohur, Morena Taraku, e cila pas vizitës së djeshme me të prekurit nga tërmeti, vendosi të ndërtojë shtëpinë e familjes Turja.

Morena ishte e ngazëllyer nga kjo vizitë, sidomos mes fëmijëve dhe shumë prej tyre u solli shumë lumturi.

E në fund të kësaj vizite, bukuroshja kosovare zgjodhi familjen Turja për ndërtimin e shtëpisë së tyre që u shkatërrua nga tërmeti, teksa zbuloi se ashtu si burri i kësaj familjeje që vuan nga zemra, ashtu vuan edhe babai i saj, bën operime të shumta prej vitesh.

“Isha tek familja Elton Turja në Kameras, vendosem një tendë. Ne shtëpi kishin një baba, e di se gjithë baballarët shqiptarë janë të mrekullueshëm, por fytyra e tij ishte aq e butë e bujare sa brenda syve tij shihja një zemër të gërryer që i thoshte vetes perse familja ime flenë jashtë…E s’kam si ti ndihmoj!!!

Ajo çka me preku më se shumti ishte se ai kishte kohë që kishte probleme me zemrën dhe unë e di se sa e rend dhe sa e vështirë është të kesh dikë me këtë sëmundje…

Unë mora përsipër të ndërtoj shtëpinë e tyre të re… dhe të kthej buzëqeshjen e tyre me një shtëpi, sepse shëndetin s’mund t’ja garantoja atij babai të shkret sepse ajo është në dorën e Zotit, po ashtu si edhe shëndeti i babit tim që kalon me vite e vite operime të shumta nga kjo sëmundje..

Kjo shtëpi do të jetë e ndërtuar nga unë, një bijë nga Kosova, më shumë dashuri për nënën Shqipëri”, shkruan Morena.