Në rini “çmendi” vajzat me uiski, deputeti i thur vargje vetes: Shiu ishte lot për vendlindjen

Deputeti Kostaq Papa ka vendosur që të kalojë disa ditë pushimi në vendlindjen e tij. Ai nuk ka ngurruar të thurrë disa vargje për veten dhe për vizitën në fshat, ku shprehet se çoi furtunën.

Nga ana tjetër, ai tha se në fshat çoi bekimin e Zotit, shiun që në këtë stinë i nevojitet shumë tokës. Kostaq Papa njihet nga të gjithë për deklaratën në Kuvend që më pas bëri edhe xhirron në rrjet.

Papa teksa mundohej që të sensibilizohej me gratë kundër dhunës ndaj tyre, bëri disa deklarata seksiste. Ai u shpreh se ë rini kishte pasur dhe kaçurrela dhe u mburr me faktin se femrat kur kanë qenë në krah të tij, kanë pirë më shumë uiski se ujë.

Postimi i plotë

DEPUTETI SHKOI NË VENDLINDJE ME PUSHIME…

Deputeti shkoi me pushime në Vendlindje…
solli me vete furtunën, shiun….
5 gusht bie shi sa u bë det,
bashkë erdhi dhe bekimi nga Zoti
që të shtohet berreqet !

Bie shi me rrëmbim, sa duket
sikur fshati është afruar edhe më me detin,
por ende nuk kuptohet :
Shiu ishte lot i deputetit për Vendlindjen,
apo Vendlindja u mallëngjye me Deputetin!!?

E rëndësishme të pij toka e zhuritur ujë,
e të bjer shiu me ujë si det,
ta duam përherë vendlindjen…
sigurisht të marrim dhe berret !!

…
Meditim poetik i momentit në Vendlindjen mbi Butrint! 5 Gusht 2020