Po shkojmë drejt dimrit, ja kur pritet të ulen temperaturat

Kjo javë ka nisur me vranësira të shumta në territorin shqiptar. Është vënë re një ulje e temperaturave dhe një mot i paqëndrueshëm.

Sipas MeteoAlb, pritet që të kemi  gjatë gjithë javës prezenca të vranësirave. Lajmi i mirë është se reshjet e shirat pritet të jenë shumë pak prezente dhe të izoluara. Gjatë javës do të kenë karakter lokal dhe nuk do të prekin të gjithë territorin e vendit.

Meteorologia, Adiola Bani nga MeteoAlb, tregon për Ora News se pritet që temperaturat të pësojnë një rënie. Parashikohet se vlerat minimale në fund të javës do të zbresin deri në minus 1 gradë celsius në zonat malore, kurse maksimumi parashikohet jo më shumë se 17 apo 18 gradë celsius në zonat bregdetare.

Kryefjala e kësaj jave do të jenë temperaturat që do të pësojnë një rënie të ndjeshme, në krahasim me javën që lamë pas.