“PRINCIPE International Luxury”, marka e luksit hap zyrën e saj të re në Shqipëri
PRINCIPE International Luxury, agjencia imobiliare e specializuar në segmentin e nivelit të lartë, njofton zyrtarisht hapjen e saj në Tiranë. Një hap strategjik që synon të ndërthurë ekselencën italiane me potencialin e tregut shqiptar, duke sjellë një qasje të re në pasuritë e paluajtshme të luksit.
Në bashkëpunim të ngushtë me studio italiane dhe shqiptare të arkitekturës dhe inxhinierisë, PRINCIPE planifikon që selia e re në Shqipëri të shërbejë si një pikë referimi për aktivitetin e ndërmjetësimit, që nga faza e projektimit deri në shitjen e pronave. Zyra në Tiranë do të jetë selia qendrore e kompanisë mëmë dhe do të administrohet nga një shoqëri e re shqiptare, krijuar posaçërisht për të menaxhuar operacionet lokale. Në perspektivë, nuk përjashtohet mundësia e zgjerimit përmes formulës së franchising.
Për të mësuar më shumë, flasim me CEO-n e Italisë, Andrea Marcaccio, dhe Administratoren e Deleguar të Principe International Luxury sh.p.k., Adelina Gania.
Si lindi Principe International Luxury?
Adelina Gania: Agjencia jonë lindi në Marche nga një ide e përbashkët, për të ofruar një shërbim imobiliar që do të mishëronte stilin, vëmendjen ndaj detajeve dhe kompetencën. Fillimisht ishim një realitet i vogël, por shumë i specializuar, duke synuar luksin e vërtetë, atë që mbështetet në diskrecion, besim dhe marrëdhënie autentike.
Pse e hapët pikërisht në Tiranë?
Andrea Marcaccio: Tirana është sot një qytet në rritje, i gjallë dhe plot projekte. Tregu imobiliar luksoz po zgjerohet dhe ky është momenti i duhur për të sjellë vizionin tonë në një kontekst ndërkombëtar. Shqipëria është një vend që shikon përpara dhe ne duam të jemi pjesë e këtij zhvillimi.
Çfarë do të sillni si italianë në Shqipëri?
Adelina Gania: Para së gjithash, kulturën e elegancës. Italia njihet për shijen e mirë, arkitekturën dhe aftësinë për të krijuar bukuri. Ne sjellim këtë filozofi, një përzgjedhje pronash të kuruara, këshillim të personalizuar dhe marrëdhënie të bazuara mbi besimin. Jemi italianë, por mendojmë globalisht.
Çfarë lloj pronash do të trajtoni në Tiranë?
Andrea Marcaccio: Vetëm prona cilësore: apartamente luksoze me pamje panoramike, rezidenca moderne, pallate historike të rikualifikuara, si dhe prona tregtare prestigjioze. I zgjedhim me kujdes, sepse çdo klient duhet të ndihet unik.
Cila është filozofia juaj e punës?
Adelina Gania: Dëgjim, respekt, vizion. Ne nuk kërkojmë marrëdhënie të përkohshme, por të qëndrueshme. Ofrimi i një shërbimi “sartorial”, të qepur sipas kërkesave të klientit, është thelbi i qasjes sonë ndaj vlerës dhe bukurisë, përtej shifrave dhe metrageve.
Po kërkoni bashkëpunëtorë për zyrën e Tiranës?
Andrea Marcaccio: Po, padyshim. Jemi në fazën e përzgjedhjes së profesionistëve të rinj për të zgjeruar ekipin tonë. Kërkojmë agjentë imobiliarë të motivuar, me elegancë në sjellje, pasion për këtë sektor dhe dëshirë për t’u rritur profesionalisht në një ambient të nivelit të lartë. Nuk është domosdoshmërisht e nevojshme të kenë eksperiencë, ajo që ka rëndësi për ne është mentaliteti, serioziteti dhe ndjeshmëria për të bukurën. Ne duam të formojmë profesionistë me P.IVA në sektorin e luksit.
Aktualisht, kemi të hapura pozicionet për Team Assistant dhe Team Leader, për të mbështetur ekipin që presim të ndërtojmë së shpejti.
Çfarë mundësish ofroni?
Adelina Gania: Ofron një rrugëtim profesional frymëzues, në një ambient ndërkombëtar, me formim të vazhdueshëm. Të bëhesh pjesë e Principe International Luxury do të thotë të përfaqësosh një stil dhe një filozofi pune që dallon. Kjo është një mundësi për të punuar me prona unike, klientë kërkues dhe një ekip të bashkuar nga pasioni për ekselencën.
Si mund të aplikohet?
Andrea Marcaccio: Mjafton të na shkruani. Po kërkojmë njerëz që duan të bëjnë diferencën. Tirana është tashmë realiteti ynë, por edhe e ardhmja. Nëse identifikoheni me vlerat tona, ju mirëpresim.
Të gjithë të interesuarit mund të dërgojnë CV-në në: [email protected]
Adresa: Rruga Mihal Grameno, Nr2/A, Tiranë- 1004
Numër kontakti: 0698133175
KOHA JONË SONDAZH
