Quartzy për “Be taken by Albania”: Spoti ka kuptim të dyfishtë, është i qëllimshëm!

Quartzy ka publikuar një artikull në të cilin shkruan për videon replikuese të filmit “Taken”, duke e cilësuar si një mesazh të drejtpërdrejtë lidhur me reputacionin dhe imazhin e krijuar për Shqipërinë. Sipas tyre, spoti ka kuptim të dyfishtë dhe është i qëllimshëm.

“Ata donin që ju të “merrni” nga bregdeti i vendit dhe nga mikpritja e banorëve. Të mos evokoni rrjetet kriminale, rrëmbimin apo trafikun seksual” –  shkruan Quartzy.

Në postimin e bërë kanë përmendur se trafiku i organizuar mbetet ende një problem serioz në Shqipëri, pavarësisht realizimit të mirë të spotit promovues.

“Një raport i vitit 2018 i Departamentit Amerikan të Shtetit zbuloi se Shqipëria vazhdon të jetë një burim tranzit i grave dhe fëmijëve që i nënshtrohen trafikimit seksual dhe punës së detyruar” theksojnë ata.

Megjithatë, Quartzy mbështet sloganin duke thënë se vendet që nuk janë të njohura nga turizmi, vuajnë padrejtësisht krijimin e këtyre stereotipave.