Rama, si shahist i Pallatit të Pionierit

Nga Ergys Mërtiri –
Unë jam gjithmonë tre lëvizje para, – tha, i mbushur me vetëkënaqësi prej shahisti, nga ata të Pallatit të Pionierit. Dhe te gjithë filluan të vrasin mendjen për të gjetur se çfarë marifeti paska zbuluar gjenia e tij.
Tani na dilka që lëvizja shkatërruese qenka përfshirja e Gjykatës Administrative, për të rrezuar një dekret “antikushtetues”!
Me këto lloj lëvizjesh, çudi si qenke vetëm 3 lëvizje para! Mund të ishe 13, 113, sa të duash!
Mund t’i biesh kutisë se shahut me shqelm dhe të thuash: Fitova.
Duhet t’ia pranojmë tolerancën, pasi i kishte të gjitha mundësitë të thoshte edhe se Dekretin mund ta rrezoje me VKM.