Roland Garros shtyn datën e fillimit, “shkatërrohet” kalendari

Roland Garros, “Grand Slam”-i në fushat me dhe që luhet në Paris, ka bërë me dije ndryshimin e datës së nisjes së tij për shkak të koronavirusit. Mësohet se turneu i madh i tenisit do të luhet nga 6 shtatori në 6 tetor, ndërkohë që ishte parashikuar që të niste në 24 maj. Ky ndryshim është një “bombë” për kalendarin tenistik, pasi datat e përzgjedhura përkojnë me ato të zhvillimit të Laver Cup në Boston dhe me ato të Shën Pjetërburgut, Çengdusë, Zhuait dhe Sofias.