”Sekrete” sesi të kërkoni rritje page dhe ta merrni atë

E sigurt është se nëse doni një rritje page është sepse mendoni se vleni më shumë dhe atëherë është koha për të bërë hapin e shumëpritur përpara. Por ka disa ”sekrete” sesi të kërkoni rritje page page dhe ta merrni atë.

Kujdesuni për qëndrimin tuaj

Qëndrimi me të cilin paraqiteni para shefit tuaj do të bëjë pjesën më të madhe të punës për ju. Një sjellje e sigurt, krenare, por edhe e dashur dhe mikpritëse do ta bëjë bashkëbiseduesin tuaj të kënaqet duke dëgjuar atë që keni për të thënë. Përmirësoni rolin tuaj me rroba që ju bëjnë të ndiheni mirë dhe në të njëjtën kohë demonstrojnë besim, mbani shpinën drejt dhe relaksoni shpatullat tuaja. Merrni frymë përpara se të filloni takimin dhe përqendrohuni te qëllimi.

Vlerësoni kompaninë

Së pari ju duhet të vlerësoni kompaninë për të cilën punoni. Kjo do të thotë që në mënyrë indirekte po u bëni shumë komplimente atyre që e menaxhojnë ose shefit tuaj. Vlerësimi i punës do ta bëjë atë të ngrejë vëmendjen ndaj asaj që do të thoni. Më pas mund të specifikoni arsyet që ju shtynë të zgjidhni atë punë dhe ta mbani atë me përkushtimin tuaj më të madh.

Shpjegoni arsyet tuaja

Nëse doni një rritje, duhet të ketë arsye të vlefshme që mund t’i shpjegoni shefit tuaj. Përmirësoni punën tuaj dhe shpjegoni arsyet që ju çuan në këtë kërkesë. Tregohuni të gatshëm për të marrë përsipër përgjegjësi më të madhe dhe të gatshëm për të bërë zhvillim profesional.

Shmangni krahasimet

Mos harroni të shmangni krahasimet me pagat e kolegëve, ankesat apo ngjarjet që ju kanë ndodhur që nuk ju pëlqejnë. Me një qëndrim pozitiv do të keni shumë shanse për të arritur rezultate, përndryshe do të jeni thjesht një telash shtesë për të menaxhuar gjatë asaj dite.