SHAME ON YOU! Më bëjnë të vjellë këta palaço ndërkombëtarë në Tiranë!

Nga Dritan Kaba

Rrihen, i thyhen kockat, lihen jashtë në shi, të moshuar, burra dhe gra, fëmijë të mitur dhe askush nuk reagon, megjithëse shkelen të drejtat e njeriut të shkruara por edhe të mbrojtura me vendime gjykate të Strasburgut.

Shkelet Kushtetuta në të gjitha nenet e saj për zgjedhjen e anëtarëve të Gjykatës Kushtetuese, në çdo nen dhe germë të saj, jo vetëm që nuk reagojnë, por bëjnë edhe më keq, e përshëndesin paligjishmërinë ulëritëse.

Bëhet një vjedhje gjigande aty në hundët e tyre. Falsifikohen firmat e zyrtarëve të lartë të vendeve të tyre, e shikojnë e nuhasin, e prekin dhe shumë prej tyre e provojnë dhe e shijojnë, por nuk bëjnë asnjë zë, megjithëse shkelen të gjitha marrëveshjet që Shqipëria ka nënshkruar me shtetet apo organizatat që ata përfaqësojnë.

Ndërkohë shqetësohen, bëjnë deklarata, ulërasin, bërtasin, hidhen përpjetë, hapin fonde dhe bonde, organizojnë konferenca, seminare, lotojnë, përgjërohen, nevrikosen, egërsohen, qurravepsen se u rrah një trans, pa e ditur se për çfarë. Kush ishte arsyeja, autori, çfarë lidhje kishte? Ishte apo jo e inskenuar për të rrëmbyer disa fonbde më shumë? Në Shqipëri je i garantuar që nuk të shkrlen të drejtat apo nuk të rrëmbejet prona po të jesh anëtar me të drejta të plota i komunitetit LGBTI ose grek! Me grekët pë ta sqaruar nuk kam asnjë lloj paragjykimi, as per homoseksualët. Shumë prej grekëve qê jetojnë në Shqipëri i kam miq të ngushtë, por jam shumë xheloz për ta sepse kanë një shtet që i mbron kudo që jetojnë, ndërsa ne kemi një qeveri qe i përze, i dhunon, i pushton pronat, i shkatërron familjet bashkombasve të saj, ndërsa para miqve të mi grekë fut bishtin nën shalë si buçe e rrahur.

Ndërkohë në Shqipëri krimi i organizuar vret jo vetëm me plumb, por edhe me burg, me drogë mijëra jetë të rinjsh dhe askush nga këta nuk belbëzon. Vazhdojnë në qetësinë e tyre të shijojnë verën kontrabande, peshkun, aragostën, daterin e paligjshëm, bërxollat, fileton, ëmbëlsirën në pjatë apo krevat.

Kjo arrogancë po detyron shqiptarët të marrin arratinë drejt vendeve të këtyre palaçove, për tu larguar nga vendi i tyre, që ndërkombëtarët të shijojnë, të ndjejnë dhe të prekin “benefitet” dhe “mrekullitë” si materiale ashtu edhe shpirtërore që i bekon qeveria.

Kalon Borchardt rrugës, ngre gishtin e mesit ndaj grave, që i janë arrestuar burrat se po protestonin të mbronin vatrën e tyre familjare, askush nga këta nuk guxoi të thoshte një germë, se mbrojnë edhe mbulojnë pazaret, turpet dhe skandalet e njeri tjetrit. I bashkon paturpësia, pangopshmëria dhe babëzia!

Shkruajnë dy të rinj një parullë me bojë dhe e quajnë akt terrorist, kërcënim për jetën, atentat dhe kush i mban mend përcaktimet që i bëjnë këtij akti të moralshëm dhe dinjitar.

Vetëm pas pak muajsh disa prej tyre, të cilët i arrestoi policia, i përndoqi ky shtet kriminal në universitete, i hoqi prindërit nga puna, u detyruan të braktisin studimet, vatrën familjare, të ardhmen në vendin e tyre dhe te marrin rrugën e migrimit, më del nga shpirti thënia e tyre: “ Shame on you!”