Shkatërrohet banda që tregtonte kokainë e heroinë në Janinë, kreu i grupit shqiptar

Policia greke ka shkatërruar një grup kriminal që shpërndante droga të forta, heroinë dhe kokainë, në Janinë.

Në pranga kanë rënë 8 persona, mes tyre dhe kreu i grupit, një 31 vjeçar shqiptar

Të arrestuarit e tjerë janë një 22 vjeçar shqiptar dhe një 40 vjeçare shqiptare, si dhe 5 grekë, dy femra dhe dy meshkuj,  të moshës 29-39 vjeç.

Policia greke thotë se operacioni është zhvilluar të martën, 1 tetor. Në kërkim janë edhe dy shqiptarë nga 30-vjeç secili.

Sa i përket mënyrës së veprimit të tyre, kreu i organizatës furnizonte grupin me sasi heroine dhe kokainë nga Shqipëria, duke i ndarë më pas në sasi më të vogla për ti tregtuar në Janinë.

Mësohet se grupi në 5 muajt e fundit ka qarkulluar në Janinë 1 kg 150 gram heroinë dhe 30 gram kokainë.

Gjate operacionit janë sekuestruar 326 gram heroinë, 36 gram kokainë, 3400 euro dhe 11 celularë.