Shqiptari bën xhiron e mediave italiane me veprimin e tij
Një shqiptar është bërë kryefjala e mediave në Itali. Kjo pasi ai ka përfunduar bashkë me makinën e tij brenda një banke.
Mësohet se shqiptari ka përfunduar brenda bankës ‘’Deutsche Bank’’, bashkë me makinën e tij. Ngjarja ka ndodhur në orët e vona të pasdites së djeshme, ndërsa gjatë ditës së sotme shqiptari e ka gjetur veten pothuajse në të gjitha mediat italiane.
Po ashtu e ditur bëhet se shqiptari ishte një 20-vjeçar dhe se ai ishte pa patentë.
Pas hetimeve të para, policia ka bërë të ditur se ai ka qenë edhe i dehur në timon.
Fatmirësisht nuk ka pasur të lënduar në njerëz, por dëmet në bankë kanë qenë të konsiderueshëm, pasi është thyer xhami kryesore dhe disa sende të tjera.