Solidaritet me bluzat e bardha në Fier, i riu dhuron 100 maska, fasoneria 90 palë këpucë sanitare

Më shumë  se 100 maska sanitare të realizuara nga i riu Alban Kardashi i janë dhuruar këtë të shtunë Spitalit Rajonal Fier, duke shtuar në këtë mënyrë edhe masat mbrojtëse për bluzat e bardha që shërbejnë në këtë spital.

Spitali i Fierit është një ndër më të mëdhenjtë në vend dhe përballon një numër të konsiderueshëm pacientësh, ndërsa përditë ka raste të dyshuara për Covid-19, duke bërë që të kërkohen përditë e më tepër masa mbrojtëse për stafin.

Ndërkohë më parë po në këtë spital janë dhuruar 90 palë këpucë sanitare, donacion i një fasonerie në Krujë.

Këpucët do ti shpërndahen stafit të spitalit të Fierit.

Aktualisht Fieri ka 25 raste infeksioni me koronavirus.

/Ora News