Trendi i ri i Instagramit, tashmë mund të keni vetulla në formën e hënës

Në Instagram po qarkullon së fundmi një trend i ri i vetullave në formë hëne.

E para që doli me një vetull në formën e hënës ishte Hayley Bui, një influencuese në Instagram e cila numëron 557,000 ndjekës. Bui është gjithashtu edhe themeluese e ‘Hayley Cosmetics’.

Gjithsesi, sado reale të duket, vetulla në foto nuk është ‘vizatuar’ nga vetë Hayley. Në fakt vetulla në fjalë nuk është bërë me mjeshtëri as nga ndonjë artist.

Sepse, vetulla-hënë është thjesht një punë e mirë me fotoshop.

Editimi i fotos është bërë nga Stefan James, një 20-vjeçar që ka një agjenci të vetën të modelingut dhe e filloi karrierën duke edituar foto.

Tashmë, si duket vetulla-hënë po kthehet në një trend të kërkuar në Instagram.