Venecia mund të humbasë turizmin e lundrimit? Thirrje Unesco-s për të vënë qytetin në “listën e zezë”

Kryebashkiaku i Venedikut i bën thirrje Unesco për të vënë qytetin në “listën e zezë” të tij, gjatë një beteje të vazhdueshme me anijet e lundrimit. Luigi Brugnaro tha se banorët e Venecias nuk kishin besim tek qeveria italiane, pasi një anije udhëtarësh u përmbyt në port, duke plagosur katër vetë, në qershor. Në përgjigje, banorët e Venecias dolën në rrugë për të protestuar, me pankarta nëpër duar me mbishkrimet : “Mbani anijet e mëdha larg nga laguna”.

“Ne do t’i shkruajmë Unesco-s, për të kërkuar që qyteti të vihet në listën e zezë”, tha Brugnaro, për Radio 24, duke iu referuar listës së organizatave të rrezikuara të Trashëgimisë Botërore.

 “Venecia është në rrezik dhe ne ndihemi në rrezik.”– është shprehur ai.

Ndërsa Ministri i Transportit dhe Infrastrukturës i Italisë, Danilo Toninelli, tha se qeveria është “në favor” të ndalimit të linjave të mëdha të lundrimit pas incidenteve, duke theksuar dhe nevojën për të balancuar turizmin me ambientalizmin.

“Është e nevojshme të gjejmë alternativa në mënyrë që Venecias të mos humbasë turizmin e lundrimit“.

Në vitin 2017 u miratuan masa që do të largonin anijet turistike me peshë mbi 55,000 ton nga qendra e qytetit, por këto nuk do të zbatohen deri në vitin 2021. Që atëherë, zyrtarët janë akuzuar për zvarritjen e zgjidhjes mbi  këtë çështje.