Vitia e Kosovës e shpall Bujar Nishanin, “Qytetar Nderi”

Ish-Presidenti i Shqipërisë, Bujar Nishani, është nderuar me titullin “Qytetar nderi” nga komuna Viti e Kosovës.

Në mesazhin e tij publikuar sot në rrjetet sociale, Nishani shpreh falenderimet e tij dhe mirënjohjen për këtë respekt:

“Falenderoj me mirënjohje të gjitha autoritetet përfaqësuese të komunës Viti në Kosovë për akordimin e titullit “Qytetar Nderi” duke më nderuar pa masë. Përulem me respektin më të thellë ndaj qytetarëve të Viti-së për mikpritjen dhe miqësinë e ofruar veçanërisht në një ditë siç ishte ajo e çlirimit të kësaj zone, e cila nderohet veç të tjerash edhe për hapjen e të parës mësonjëtore shqipe në tërë Kosovën. Zoti e bekoftë Vitinë dhe të gjithë Kosovën!”, përfundon Nishani.