Wikileaks/ Julian Assange mund të përballet me 175 vjet burg

Julian Assange do të marrë 175 vjet prapa hekurave nëse SHBA e gjen atë fajtor për 17 akuza të reja të paraqitura të enjten, tha WikiLeaks në një deklaratë.

Një padi e Departamentit të Drejtësisë në SHBA akuzon Assange për marrjen dhe dhënien e informacioneve të mbrojtjes kombëtare rreth luftës së Irakut dhe Afganistanit.

Ai u akuzua gjithashtu për komplot dhe se ka nxjerrë informacione sekrete të sigurimit kombëtar të SHBA, duke e çuar numrin e përgjithshëm të akuzave në 18.

Julian Assange u arrestua nga policia e Mbretërisë së Bashkuar në ambasadën e Ekuadorit në Londër. Ndërsa SHBA kërkon të ekstradojë Assange kështu që ai mund të gjykohet, Suedia ka nisur sërish një hetim për përdhunimin kundrejt Assange, i cili akuzohet se ka sulmuar seksualisht dy gra në vitin 2010.

Ndërkohë, autoritetet britanike do të duhet të vendosin nëse do t’i japin përparësi kërkesave të SHBA-së ose Suedisë më parë.