Milani stërvitet me zhurmën e tifozëve të Dortmundit para ndeshjes

Milani do të sfidojë Borussian e Dortmundit në “Signal Iduna Park”, në ndeshjen e dytë të grupit në Ligën e Kampionëve, teksa kuqezinjtë do të kërkojnë fitoren e parë, për të mos komplikuar ecurinë.

Megjithatë Stefano Pioli ka nisur të bëjë llogaritë edhe me tifozerinë e Dortmundit dhe pikërisht për këtë arsye, në Milanello është vendosur në sfond audioja e zhurmës që krijojnë tifozët e klubit gjerman.

Kjo për t’i bërë futbollistët të mësohen me atmosferën që i pret mbrëmjen e të mërkurës në “Signal Iduna park”, ku do të synojnë të marrin fitoren e parë.