10 vite si kryeministër, edhe sa gjatë do të qëndroni? Rama përgjigjet për BBC Radio

Kryeministri Edi Rama ndodhet në një vizitë zyrtare tre ditore në Angli. Gjatë intervistës në studion e programit “Today” të BBC Radio 4, Rama i pyetur nëse do vijojë në drejtimin e vendit edhe pas 10 vitesh, tha se ”gjithçka ka të bëjë me zjarrin brenda dhe për sa kohë e ndiej këtë zjarr brenda, nuk do të ndalem”.

Këtë shtator shënoni 10 vjet si drejtuesi i vendit tuaj, sa gjatë keni në plan të vazhdoni dhe cilat janë përparësitë e detyrës suaj?

Rama: Siç ju thashë, kam qenë shumë i frymëzuar nga laburizmi i ri. E kemi parë të funksionojë shumë mirë. Sa më shumë ndërlikohet bota, aq më shumë mendoj se përgjigjet e laburizmit të ri janë të duhurat dhe po e shohim këtë. Nga ana tjetër, gjithçka ka të bëjë me zjarrin brenda dhe për sa kohë e ndiej këtë zjarr brenda, nuk do të ndalem.