14 Maji, Damian Gjiknuri: Në terren për ne rival politik është Berisha. Fitojmë 45-55 bashki

Edhe pse gjykata e rrëzoi Sali Berishën dhe njohu si PD zyrtare grupin e Alibeajt e Bashës, ka rritur besimin e Partisë Socialiste për një rezultat më të thellë. Sekretari i Përgjithshëm i PS-së Damian Gjiknuri pohon se PS-ja synon nga 45-55 bashki.

Ai thotë se në terren socialistët e prekin realitetin ndryshe nga sa vendosi drejtësia. “Alibeaj me të tjerët kanë njerëzit e tyre mbështetës. Unë nuk dua t’i zhvlerësoj por pjesa më e madhe e opozitës është rreth Foltores dhe kjo gjë është e dukshme“, shton Gjiknuri.

Ai nuk pranon që partia e tij të jetë përgjegjëse për gjendjen ku është sot Partia Demokratike. “Është spekulim të thuhet se PS ka futur hundët në gjërat e PD. Ne nuk kemi bërë rregulla që dobësojnë opozitën sepse e ka shumë kollaj me një koalicion dhe mund të konkurrojë“, theksoi ai.