29-vjetori i themelimit, Maliqi: PD të jetë më e bashkuar se kurrë për të ndalur instalimin e diktaturës

Deputeti Lefter Maliqi teksa ka uruar ditëlindjen e 29-të të Partisë Demokratike, i bën thirrje lidershipit të saj që të bashkojë demokratët si e vetmja mënyrë për të ndalur instalimin e diktaturës në Edi Rama, si dhe për të bërë të mundur frenimin e fenomenit të shpopullimit të Shqipërisë.

“I uroj përzemërsisht gjithë demokratëve gëzuar 29 vjetorin e krijimit dhe themelimit të Partisë Demokratike. Ju uroj suksese në sfidat e ardhshme, duke çuar deri në fund ëndrrën dhe aspiratat e studentëve të dhjetorit 1990 për liri-demokraci dhe ëndrrën europiane. Sot duhet të jeni më të bashkuar se kurrë për të ndaluar instalimin e diktaturës, shpopullimin, krimin e organizuar dhe korrupsionin galopant. Krenar që kam qenë deputet i Partisë Demokratike në vitin 2009-2013 kur Shqipëria u fut në NATO dhe u bë e mundur lëvizja e lirë në BE. Gëzuar dhe urime”, shprehet deputeti Lefter Maliqi.