”3 mandate për çeljen e negociatave”, Berisha-Ramës: Të fundit e vodhe, nuk na pranon BE-ja me ty

”M’u ndesh të fitoja një mandat të tretë që të vijoja të prisja për çeljen e bisedimeve”,-tha sot kryeministri Edi Rama pas punimeve të Samitit të BE-së. Kryetari i PD-së, Sali Berisha thotë se Rama e vodhi mandatin e tretë dhe se me të nuk çelen kurrë negociatat për anëtarësimin e Shqipërisë në familjen e BE-së. Po ashtu Berisha thekson se Rama në Bruksel u soll si një dhi e zgjebosur me bishtin përpjetë, ndërsa ftoi qytetarët të protestojnë më 7 korrik.

Postimi i plotë

I shfazuar nga ‘JO-ja’ e madhe e liderëve të BE-së për hapjen e negociatave me Shqipërinë dhe Maqedoninë e Veriut, Edi Rama u soll sot në Samitin, në të cilin tha se nuk do të shkonte, si një dhi e zgjebosur qe mban bishtin përpjetë!

Ai rrahu gjoksin, duke thënë si me krenari se: Mu desh të fitoja një mandat të tretë, që të vazhdoja të prisja për çeljen e bisedimeve dhe ishte shumë të thoja të vërtetën që arsyeja nuk është thjesht Bullgaria.

Në fakt, i them këtij hokatari, shkaku kryesor, siç pohon edhe vete ai, nuk është Bullgaria, por pikërisht mandati i tretë i rrëmbyer nga ai duke vjedhur votat e qytetarëve shqiptarë.

Ky është shkaku i të gjitha shkaqeve që pse BE nuk hap negociatat me Shqipërinë. Me Edi Ramën negociatat nuk hapen kurrë.