31-vjetori i PS, Gjiknuri: Mbetet forca më demokratike e transformuese në Shqipëri

Sekretari i Përgjithshëm i Partisë Socialiste, Damian Gjiknuri ka uruar të gjithë socialistët për 31-vjetorin e PS.

Në urimin e tij në facebook, Gjiknuri shprehet se PS-ja mbetet forca më demokratike e transformuese në Shqipëri.

“Me urimin e përzemërt për çdo anëtar, mbështetës, drejtues e këdo që ka dhënë e vazhdon të japë një kontribut sado të vogël për Partisë Socialiste, duke dëshmuar se familja jonë politike mbetet forca më demokratike e transformuese në Shqipëri, dhe me premtimin se do vazhdojmë përpjekjen që PS të bëhet më e mirë, më e fortë për të gjithë, ju uroj një ditë të mbarë”.