80% e policëve duan të ikin, LSI: Projekt i Ramës është shkatërrimi i Policisë

LSI-ja ka reaguar pas letrës së sindikatës së Policisë së Shtetit dërguar Edi Ramës. Endrit Braimllari, sekretari i Përgjithshëm i LSI-së, thotë se 80% i policëve që duan të ikin nga Shqipëria, është shkak i shkatërrimit të Policisë që sipas tij, është projekt i Edi Ramës. Më tej ai thotë se Rama e nisi në fushatën elektorale ku i bënte thirrje nga Kuçova të hiqnin kapelet dhe të bënin fushatë për Rilindjen.

https://www.facebook.com/kohajone/videos/359110904869108/

”Edi Rama e ka projektin e tij politik shkatërrimin e Policisë së Shtetit. E filloi këtë me kanabizimin e vendit ku drejtues policie të verifikuar tanimë dhe nga agjensite e tjera ligjzbatuese, merrnin pjesë drejtpërdrejt në procesin e kanabizimit. E vazhdoi në fushatën elektorale ku i bënte thirrje nga Kuçova të hiqnin kapelet dhe të bënin fushatë për Rilindjen duke implikuar rëndë rolin e Policisë së shtetit, duke shkelur ligjin dhe Kushtetutën nga ana e Edi Ramës. Drejtues policie të lidhur me trafikantët vunë në zbatim çdo aset shtetëror duke filluar nga radarët të cilët monitorojnë kufijtë tanë. Janë ende në arrati tre drejtues të lartë të përfshirë në trafik droge”.

Në shkrimin në facebook, Braimllari thekson se është e qartë që kur efektivët e policisë nuk shohin vullnet të Kryeministrit dhe drejtuesve të tyre për tu vënë në krahë të oficerëve të ndershëm të policisë në luftë kundër krimit të organizuar do kërkojnë të largohen nga vendi.

Postimi i plotë

Edi Rama ka degraduar Policinë e Shtetit, 80% e efektivëve duan të largohen nga vendi. Kërkesat e sindikatës së policisë drejtuar Edi Ramës janë këmbanë alarmi se si Edi Rama e ka degraduar Policinë e Shtetit, Edi Rama e ka projektin e tij politik shkatërrimin e Policisë së Shtetit. E filloi këtë me kanabizimin e vendit ku drejtues policie të verifikuar tanimë dhe nga agjensite e tjera ligjzbatuese, merrnin pjesë drejtpërdrejt në procesin e kanabizimit.

E vazhdoi në fushatën elektorale ku i bënte thirrje nga Kuçova të hiqnin kapelet dhe të bënin fushatë për Rilindjen duke implikuar rëndë rolin e Policisë së shtetit, duke shkelur ligjin dhe Kushtetutën nga ana e Edi Ramës. Drejtues policie të lidhur me trafikantët vunë në zbatim çdo aset shtetëror duke filluar nga radarët të cilët monitorojnë kufijtë tanë. Janë ende në arrati tre drejtues të lartë të përfshirë në trafik droge.

Lajmi i sindikatës së policisë për kushtet e vështira në punë tregon se efektivët e policisë janë më pak të paguar, prej vitit 2014 nuk ka rritje rrogash. Dieta të prapambetura të cilat nuk paguhen tregojnë dhe njëherë gjendjen e vështirë në të cilën është Policia shqiptare për shkak të politikës së Edi Ramës të cilit nuk i intereson ruajtja e sigurisë publike por trafiku i lëndëve narkotike dhe lidhja me krimin e organizuar.

Kjo situatë e rëndë në të cilën ndodhet vendi ku varferia ekonomike, pasiguria publike, mungesa e vendeve te punës ka rënduar edhe mbi efektivët e policisë. Është e qartë që kur efektivët e policisë nuk shohin vullnet të Kryeministrit dhe drejtuesve të tyre per tu vënë në krahë të oficerëve të ndershëm të policisë në luftë kundër krimit të organizuar do kërkojnë të largohen nga vendi. Ku 80% e efektivëve të policisë kanë plotësuar lotarinë amerikane. Kjo tregon qartë degradimin që i ka bërë Edi Rama Policisë së Shtetit.