100 vota pro 5 Qershorit/Ambasada e SHBA-së: Një hap më pranë Bashkimit Europian

Ambasada e SHBA-së në Tiranë, ka përshëndetur miratimin e marrëveshjes së 5 Qershorit në Parlament.

Reagimi i plotë i Ambasadës së SHBA:

Shtetet e Bashkuara mirëpresin miratimin nga Parlamenti të legjislacionit për reformën zgjedhore që kodifikon marrëveshjen e 5 qershorit të Këshillit Politik për Reformën Zgjedhore.

Ky akt respekton marrëveshjen e bërë nga të gjitha partitë dhe e çon Shqipërinë një hap tjetër përpara drejt Bashkimit Evropian.

Përgëzojmë të gjitha partitë që u siguruan që marrëveshja e 5 qershorit u arrit, u respektua, dhe u zbatua në mënyrë gjithëpërfshirëse dhe transparente. Kjo mënyrë gjithëpërfshirëse dhe transparente duhet të jetë një normë për ndërmarrjen e akteve të rëndësishme kombëtare.

Në këtë drejtim, mirëpresim vendimin për rithirrjen e Këshillit Politik për të diskutuar reforma të mëtejshme zgjedhore.

Të gjitha palët duhet të marrin pjesë në mirëbesim; të shpjegojnë pozicionet e tyre qartë dhe plotësisht njëri-tjetrit dhe popullit shqiptar; dhe të kërkojnë një zgjidhje që është në të mirën e të gjithë popullit shqiptar dhe vazhdon ta çojë vendin përpara në rrugën e tij demokratike.

"The United States welcomes Parliament’s enactment of electoral reform legislation that codifies the June 5 agreement of the Political Council on Electoral Reform. This action honors the agreement made by all parties and moves Albania another step toward the European Union." pic.twitter.com/2GQ9HAMscC

— USEmbassyTirana (@USEmbassyTirana) July 23, 2020