Administrata në fushatë, KQZ paralajmëron Ramën, ministrat dhe kryebashkiakët: Po cenoni standardet zgjedhore

Duke marrë në konsideratë raportet e para të depozituara nga monitoruesit, Komisioni Qendror i Zgjedhjeve i bën apel të gjithë drejtuesve të institucioneve publike të tregojnë vetëpërmbajtje dhe të përmbushin detyrimet e tyre sipas Kodit Zgjedhor.

Në një shkresë drejtuar Kryeministrisë dhe të gjitha Ministrive dhe Bashkive, KQZ i bën apel që të ndalojnë menjëherë përdorimin e burimeve publike në mbështetje të subjekteve zgjedhore.

“Respektimi i dispozitave të Kodit Zgjedhor dhe standardeve të kërkuara, ndikojnë në mënyrë të drejtëpërdrejtë në standardet e procesit zgjedhor, si kusht kryesor për procesin e integrues të vendit. Kjo tërheqje vëmendje t’u përcillet gjithashtu dhe organeve tuaja të varësisë”, thuhet në shkresën e nënshkruar nga kreu i KQZ-së, Ilirjan Celibashi.

Më poshtë shkresa e KQZ-së drejtuar Kryeministrisë dhe të gjitha Ministrive, Bashkive, Partive Politike, si dhe kandidatëve të pavarur.