Air Albania çon në shtëpi 27 qytetarë gjermanë. Ambasada: Ky është solidaritet europian

Aeroporti i Tiranës dhe kompania Air Albania kanë bërë të mundur kthimin në Gjermani të 27 qytetarëve gjermanë që ishin bllokuar këto ditë në vendin tonë.

Në një mesazh falënderimi Ambasada Gjermane në Tiranë shprehet se ky udhëtim u bë i mundur falë ndihmës jo burokratike të autoriteteve shqipare.

“Me ndihmën e qeverisë shqiptare, Air Albania dhe Aeroportit të Tiranës, 27 shtetas gjermanë dhe mbi 20 shtetas/e të BE-së mundën të fluturonin në shtëpi ? me Lasgushin dje pasdite në orën 18:30. Ata ishin bllokuar në Shqipëri dhe mundën të fluturonin falë ndihmës jo-burokratike të autoriteteve shqiptare. Ky është solidariteti i jetuar evropian – shumë faleminderit!”, shprehet në mesazhin e saj Ambasada e SHBA.