Akademia Politike e PS, Spiropali: Me deputetët e rinj që duhet t’i japin Kuvendit fytyrën, zërin dhe kontributin drejt Shqipërisë 2030

Kryeparlamentarja Elisa Spiropali, zhvilloi një takim me deputetët e rinj të PS-së, në kuadër të Akademisë Politike të PS-së. ”Me deputetët e rinj, një brez përfaqësuesish që duhet t’i japin Kuvendit fytyrën, zërin dhe kontributin drejt Shqipërisë 2030”,-shkruan Spiropali.

Në zgjedhjet parlamentare të 11 majit, Partia Socialiste fitoi 83 mandate deputetësh, 54 (65.05%) prej të cilëve përfituan mandatin për herë të parë. 39 nga 54 deputetët që e fituan mandatin për herë të parë nuk kanë mbajtur më parë pozita drejtuese në nivel të lartë ekzekutiv si ministër, zv.ministër apo kryetar bashkie.

Nga 39 deputetë 23 (59%) janë burra dhe 16 (41%) janë gra. Akademia Politike e Partisë Socialiste rikthehet me këtë format të veçantë, të ndërtuar posaçërisht për gjeneratën më të re të Kuvendit të Shqipërisë.