Akademiku Apollon Baçe: Në Shqipëri është futur vaksina ruse “Sputnik V” dhe e kanë bërë disa persona

Akademiku dhe analisti i njohur Apollon Baçe ka bërë një deklaratë të fortë mbrëmjen e djeshme. Gjatë emisonit “DEKLAOG” të gazetarit Roland Qafoku në RTSH 24 ai tha se vaksina ruse “Sputnik V” është futur në Shqipëri në rrugë ilegale dhe e kanë bërë disa persona.

“Kam informacione të sakta që vaksina ruse “Sputnik” ka hyrë në rrugë jo të ligjshme në Shqipëri dhe e kanë bërë dia persona”, tha Baçe, por pa dhënë shumë detaje të tjera.

“Nuk mund të japë më shumë detaje por informacionin e kam shumë të saktë”, shtoi ai.

Akademiku shtoi se në fakt kryeministri Edi Rama ka bërë gabim që e refuzoi sjelljen e kësaj vaksine në Shqipëri. Sipas Baçes, derisa kancelarja gjermane Angela Merkel i kërkoi Putinit të marrë këtë vaksinë nga Rusia atëherë përse Rama e refuzon ta marrë, madje tha se ishte provokim nga pala ruse dhe duhet të kërkonte falje.