Aksidentohet makina që shoqëronte familjen e gjyqtares së GJKKO, Irena Gjoka. U godit nga një mjet nga pas

Në aksidentin që u regjistruar mbrëmjen e djeshme është përfshirë eskorta e Gardës së Republikës, e cila shoqëronte familjarë të gjyqtares së Gjykatës së Posaçme, Irena Gjoka.

Mësohet se një punonjës policie teksa udhëtonte me automjetin e tij ka goditur automjetin e punonjësve të Gardës.

Shkak i aksidentit dyshohet lagështira si pasojë e shiut. Nga aksidenti nuk ka asnjë person të lënduar.

“Më datë 22.12.2023, në Selitë, janë përplasur (vetëm me dëme materiale) automjeti me drejtues shtetasin A. D., me automjetin e Policisë, me drejtues shtetasin I. H. Si pasojë shtetasi I. H., ka humbur kontrollin mbi drejtimin e automjetit dhe automjeti ka dalë nga rruga. Grupi hetimor ndodhet në vendngjarje dhe po punon për sqarimin e rrethanave të aksidentit”, sqaron Policia.