Aksioni i PD-së rinis në shtator? Meta: Mbështesim çdo protestë që denoncon korrupsionin e qeverisë

Presidenti i Partisë së Lirisë, Ilir Meta, thotë se forca politike që ai drejton do të jetë në mbështetje të të gjitha protestave që denoncojnë korrupsionin e qeverisë ”Rama 3”. Gjatë konferencës me gazetarët, Meta u pyet nëse ka pasur komunikim me kreun e PD-së apo pjesëtarë të tjerë të opozitës për vijim të akasionit opozitar me ardhjen e shtatorit. Ai nuk dha një përgjigje të drejtpërdrejtë, por theksoi se programi i Partisë së Lirisë me pesë pika do t’u japë zgjidhje, 5 problemeve më shqetësuese për vendin, nga bujqësia, industrializimi e deri te arsimi. Kreu PL-së ngriti shqetësimin e rritjes së kostove të jetesës në Tiranë, por edhe në qytete të tjera të vendit.