Aksioni i SPAK-ut/ Presidenti Meta: Alarmant fakti që informacioni ka rrjedhur një ditë para arrestimeve

Aksioni që sot u prezantua nga SPAK-u dhe Policia me arrestime por edhe me dyshime për dekospirime, është tema e emicioneve televizive. Presidenti Ilir Meta, thotë se SPAK duhet të japë llogari dhe ti përgjigjet pyetjes, pse nuk u ndaluan të gjithë të shpallurit?

”SPAK të kishte vepruar para zgjedhjeve. Duhet të ketë sqarime për publikun pse aksioni i fundit nuk çoi në ndalimin e të gjithë të dyshuarve.

Personat që janë arrestuar sot nga SPAK-u, janë ata të cilët janë akuzuar dhe për krimet zgjedhore.

Alarmant është fakti që informacioni ka rrjedhur një ditë para se të ekzekutoheshin këto urdhra arresti”.