Aktivistët marshim të shtunën në 11:00, thirrje qytetarëve për pjesëmarrje

Aktivistët kanë paralajmëruar marshim nga Bashkia drejt  parkut të liqenit për të kundërshtuar projektin e këndit të lojërave që do të ndërtohet në parkun e liqenit. Aktivistët bënë ftesë për pjesëmarrje, ndërsa i janë drejtuar Këshillit Bashkiak me një përkesë për të mësuar përse ky projekt nuk është dikskuar në mbledhjet e këtij institucioni.

Aktivistët që kundërshtojnë ndërtimin e këndit të lojërave në parkun e liqenit kanë paralajmëruar marshim paraditen e së shtunës nga Bashkia drejt parkut të liqenit.

Ervin Goci:Për qytetarët e Tiranës, të gjithë ata që ndjejnë parkun, të gjithë ata që akoma nuk janë të bindur se çfarë po bëhet këtu le të vinë nesër në orën 11:00 te Bashkia e Tiranës, të mblidhemi të gjithë atje dhe do bëjmë marshimin për tek liqeni. Reagimi jonë do të jetë në proporcion me veprimet që ka bërë Bashkia.

Ata i janë drejtuar me një kërkesë Këshillit Bashkiak për të kërkuar informacion dhe shpjegim përse ky projekt me kosto të lartë nuk është disktuar në mbledhje.

Ervin Goci:I kemi drejtuar letër Këshillit bashkiak se përse nuk ka kaluar në Këshillin Bashkiak gjithë ky projekt, janë 700 milion lekë që nuk janë pyetur përfaqësuesit e qytetit, ata që janë votuar. Ka marrë vetëm një individ vendimin dhe nuk dihet me çfarë lloj transparence.

Aktivistët do të vijojnë me reagimet e tyre kundër projektit të Bashkisë së Tiranës.