Akuzat për financime ruse në PD,reagon ambasadori Karpushin

Akuzat për financimin rus të partive politike në Shqipëri janë të pabaza. Kështu është shprehur ambasadori i Rusisë në Tiranë, Aleksandër Karpushin.

Në një prononcim për “News 24”, Karpushin theksoi se kjo çështje është hetuar edhe në SHBA dhe nuk është faktuar asgjë.

“Akuzat për financimin rus janë të pabaza. Dhoma e përfaqësuesve në SHBA ka hetuar por nga hetimet SHBA nuk u faktua asgjë”, – deklaroi Aleksandër Karpushin.

Akuzat janë bërë nga Partia Socialiste si dhe nga portali amerikan “Mother Jones”, ku pretendohet se Partia Demokratike është financuar nga biznesmenë ruse, përmes kompanive offshore, për të lobuar në SHBA.

Partia Demokratike ka deklaruar se këto akuza hidhen nga Edi Rama me qëllim zbehjen e problemeve reale të shqiptarëve, si varfëria, trafiku i drogës dhe korrupsioni.