Albana Shtylla zgjidhet kryetare e Kolegjit të Posaçëm të Apelimit

Albana Shtylla u zgjodh ditën e sotme në krye të Kolegjit të Posaçëm të Apelimit. Ajo do të zëvendësojë në detyrë Natasha Mulajn, së cilës i mbaroi mandati trevjeçar.

Shtylla u zgjodh me votim unanim nga të gjithë anëtarët e tjerë të Kolegjit të Posaçëm.

Më herët, Albana Shtylla ka qenë anëtare e Këshillit të Lartë të Drejtësisë, e Komisionit Qendror të Zgjedhjeve, Drejtore në Ministrinë e Punës dhe Çështjeve Sociale, Sekretare e Përgjithshme e Kuvendit të Shqipërisë dhe Drejtore e kabinetit të Avokatit të Popullit.

Që prej themelimit të KPA-së, ajo është një prej gjyqtareve në institucionin që bën verifikimin përfundimtar të magjistratëve.